ريدة عزريــة
قصه ريده عزرية تبدأ اللعبة في السنتر
حكاية (نادر ) آخلاي وقت عشق البنية سحر
يشوفه اعصابو تتحلة ومن خمر الغرام يسكر
وحقيقة هي حلوه مياسة وحلاته تمسخ السكر
وجيها بلا اليضوي الليل كل الشافة قال دي قمر
تلاقي تملي تبسم بسمة الروض وقت أذهر
ريدٌ شبه في الوجدان في كل يوم يزيديكبر
الا اصلو الزمن دوار في كل يوم بيتزور
وقساوة الدنيا كان في يوم استلمت وظيفه سحر
بقت مهتمة بي نفسه تقول الشغلة بالمنظر
هاك يا كريم وهاك يادهان تسرح ماتخلي شعر
نست حب نادر المسكين مرقد فوق جمر قنقر
يعاني مرارة الحرمان وحبيبو الفات وصالو هجر
في يوم نادر إتقندق قال يمشي يلاقي سحر
صاحبك باقي متكيف واتبسم بعد صرصر
من الاذان صبح صاحي ومن الساعة خمسة فطر
وصل للمكتب المرموق وقف ادي السلام هزر
كانت سارحة في دنيا ومافي الجابو حتي خبر
حليل الريدة ياناس قيس حليل الماضي ياعنتر
في نفس اللحظة دخل صاحب المكتب اسمو عمر
قالت ليهو ود خالتي سلم ليهو واتمنظر
قال فعلا بيشبهك واكيد بي سرو قال دا غجر
سحر في القعدة تتململ كأنو عمر عليها غفر
قالت ليهو يا نادر اللقاء في المساء اندر
قام مهزوم واتصبر كيف عاد مايتصبر
في المساء اصلو ماكضب قام من العصر بدر
واقف في الظلط راجي قعد ماخله ليهو حجر
تمر الساعه فوق الساعه مالا سحر ابت تظهر
بعدماعانا جات مارقةآسفة اصلي انا اتأخر
مابقدر اقيف لحظة مواعدة هناك حبيبي عمر
وفاتت حتي ما قالت اقدر نادر اتعذر
موضوع: ريده عزريه 
الإثنين يونيو 24, 2013 5:42 pm
