ريد مجرتق -غناء النجار

ريد مجرتق

داير اعيشك ريدمجرتق بالعديلة

داير اشيلك غنوة يابت القبيلة

داير اشوفك بمسة في وجن القوافي الدموع يارايقة داير اترك سبيله

ليا حق اهواك يا حرف القوافي يالهواك بيشفي للروح العليلة

في الجمال مخضرة والبنوت فيافي الورود خديك والاجفان ظليله

الشعر امواجو ماعرفت مرافي العيون مدعوجة والخدين اسيلة

ياسلام الدنيا في الدنيا تصافي في اللحاظعينيك تشهد انت ريلة

بين حنين اللقيا والشوق والتمني رحلة كانت في مسارب الروح طويلة

يلا نمرح في محارب الريد نغني نبغي اجمل اغنية الايام تشيلة

ترقص الاحلام عيونك تحتوني والطيور الصادحه تهديك الهديلة

تبقي كل دنيانا ذين وعديل وحني في ليالي شمالنا ايام لامثيلة

شوفيكيف سامرين محجلة يوم ذفافنا ياحليلة اللسه في الاحلام طفيلة

دايرة نتكرفعبير ريدنا وضفافنا والشمال يتنسم النسمه العليلة

لابسة توب طيبتنا منريفنا وعفافنا راضعة من امالنا واحلامنا الجميلة

النغني نشيلة في رحلة طوافنا بين غيوم الريدة ازهار وخميلة

الغيوم متراميه ترونيا الاماني الدموع من عينا تهاطل هميلة

دار تخضر دارنا يا زهرة ذماني والظلال والورافة تتوسد مقيلة

القماري القوقا يلهمنا الاغاني والرياض الزاهية بالتحنان كفيلة

ايدي في ايدك رايقة ياكل المعاني الزفاف والحنة زغوردة احلي ليلة