خــــــاطرك معــــاك

روح خلاص خاطرك معاك
دنياك ما عرفت فجر ما بين غرورك غاب ضياك
كمل معاك حد الصبر وماتت معانى الريد فداك
صدقنى ما داير عذر أرضانى فتنى بى رضاك
وفى الدنيا عندى أنا كم عمر لامن أضيعو فى هواك
دايرنى أشيل الشوق وأجيك وأقولك أرجع يا ملاك
وأعشق متل ما كان عينيك ومن تانى أتحمل قساك
أبدا متل ما هان عليك الريد وقلبك ما نهاك
مات للأسف أحساسى بيك ومانى القبيل عاشق بهاك
خاطر الامانى الأنجرح طوع عناد قلب أصطفاك
قسيتو قلبى قدر ما ألح من غبت لا اشتاق لا اشتهاك
ما دام ضميرك ليك سمح تنسانى فى لجة جفاك
نسيان هواك يبقى الأصح وأتقبل الهجران جزاك
ما عدت أستنى الرعد برق الأمانى مطر سماك
سرانى أنك أبتعد من فت قلبى ولا طراك
بتمنى ليك بعدى السعد لكن دنايا أنا ما دناك
باكر وراك يشرق لى غد ويطرد صباحى أيام دجاك