بت الملوك
يابت الملوك فوقك جمال ماعادي
خايف جد عليك انا من عيون حسادي
يا أم حسن فريد حير معاه مدادي
أيه فيك داير اقول مادام ملكتي فؤداي
لو لموالبنات المن البعيد والغادي
ماب يسوي التراب الفوقا زين تتهادي
يا الرايقة الجمال الفي عينك حدادي
قدر ما العين تشوف عينك تقول مدادي
حيرتي البطوف عواف حزر في الوداي
قال بايت كفاي طرفك رماني انا صادي
من نوري الجريف كان لون خدودك هادي
خايف للخدود همس النسيم البادي
ليل شعرك طويل قاتلني منو بعادي
أمدك ماقريب لايوم تطولو ايادي
فارقتك بكيت وندب حظوظي عدادي
احسب في النجوم لامن صباحي ينادي
صوت صبحك جواي ذايد نواحي سهادي
الرضا بالنصيب في الشرع شرحو عبادي
راجع ليك قريب ارجيني في ميعادي
مابقدر بلا لقياك يوم ميلادي
نتناسي البعاد دمعات فرحنا خوادي
في العش السعيد سعدك والاقي إسعادي
موضوع: بـــــت المـــــلوك 
الإثنين يونيو 24, 2013 5:07 pm
