اتعس خبـــر

موضوع: اتعس خبـــر الإثنين يونيو 24, 2013 5:05 pm

أنا ما غدر إنت الزرعت الشك ضياع
إخترت فرقتنا ورضيت تكسر مسارات الشعاع
........................................
ستين شهر مرت على ريدنا المطاع
الشوق مطر وبروقو ما ناوية إنقطاع
إنت الأمر أمرك صبح عندك مطاع
جرت إختصر سكتنا بى كلمة وداع
......................................
أملى إحتضر ونفيتنى فى أخر بقاع
السوس نقر ما بين هتافات الرعاع
جرت أنا صبر صبرى المتلته ألفى باع
إتعس خبر فى يوم صدّ قلبك سابنى باع
.....................................
ضقت الأمر يوم ظنك الماظنى شاع
خاطرى إنكسر وغسلت د ميعاتى الرقاع
قلبك حجر ياما الحجر بردو إندفاع
لكن أصرّ سوت ظنونك إجتماع
......................................
أنا ما غجر أنا بت ملوك أكلو السباع
ما حرف جر شان أبقى مجروره إتباع
يا من هجر هجرك رجعلك ياتو صاع
عيش الضجر ما أنا مانى شمتانى آ خداع
......................................
كاسى إختمر وشربتو مصدوم للنخاع
لو كان عمر كان عندى تبقى إنت الشجاع
دمعى إنهمر شفقت أطفال الرضاع
وحالى البشر شافوهو أيام غين قاع
.................................
سامرين قمر ضاعت مع القسم الشراع
عزراً عُزر القسمة فوق حرف اليراع
الماضى أغر والحاضر المؤسف سماع
قلب إنفطر داعى ومجاب مظلوم وداع