قرب يا حبيب قرب لي تعال
اسعد للقليب بينا البعد طال
خليت لي اللهيب شديت الرحال
البكاء والنحيب والدمع السال
من يوم مارحل ماخليت لي بال
مشغول انشغل دايما في انشغال
مستنيك تعود يا ذوق يادلال
توريني الطريق اوصل للمنال
يالساكن القليب ماخليت مجال
هل طاري الوعود ول البينا ذال ؟
يااجمل جميل يا الكلك جمال
يالخدك اسيل ويالحاجبك هلال
يالرايق اصيل ياسمح الخصال
يا البان البميل يا العينيك غذال
لو شفتي العلي حالي انا ماهو حال
ادمنت النواح عايشت الخيال
كم مرات انوه اسرح في الخيال
القاك في الزفاف زين وعديل وفال
كوني احب سواك اعرف دا المحال
ما انا حبي وهواي مابيوفي المقال
ذكراك مابتغيب بطراك من خلال
همسات الفراش يوم بالزهرة جال
انساك قولي كيف والذيك قلال
دنياك كيف بلاك تصبح اضمحال
موضوع: البعد طـــال 
الإثنين يونيو 24, 2013 4:53 pm
