إستنيت عيونك يوم ترجع تواسي
ارتاح في ظلاله وتبقالي المراسي
استنيت عيونك ترجع تحتوني
تغمرني السعادة والافراح تجيني
لكن ياخسارة اشواقي وحنيني
قلبي الفي انتظارك انت عليهو قاسي
مجمر إنتظارك واقد جمرة حيه
باعد باختيارك وماعارف العليه
ما انا كل يوم أمل باكر تبقي جيه
ولمن جيت جفيتني واصبح لي ناسي
لو عارف غلاوتك كنت تجيني ساعي
وكان قرر رجوعك من قبال وداعي
الجفا ياحبيبي ما اظن ليهو داعي
ماطالا انت روحي وتهواك كل حواسي
ارجع ياحبيبي للعش الهجرتو
تقاشاه السعاده لو كان انت زرتو
يكفيني انتظاري والصبر الصبرتو
ويكفيك اني احبك ياقمر الاماسي
الحب في عيونك ومابتقدر تد سو
وحتي ان مارايتو دون الناس بحسو
مابنساك تصدق لاالزول بنسي نفسو
ارجع من غيابك في جيتك خلاصي
استنيت رجوعك فوق جمر انتظاري
إتعشمت اشوفك شوفتك تطفي ناري
قفيت القوافي وغناهن كناري
بثيت اشتياقي في الوتر الخماسي
موضوع: استنيت عيونك 
الإثنين يونيو 24, 2013 4:50 pm
