أنا ما بخت الشين وأصبح سراب قدامك
برحل مع الراحلين مجبور أفارقو غرامك
ورينى وين الصيد لامن تلاقى سهامك
وأنا قلبى كان صنديد لكن هزمنى مقامك
ديل فرقو القلبين ما راعو حبى هيامك
تشكى العذاب لى مين كل الخلوق ظلامك
عشت أنتظار (سامرين )ما بين شقاى وآلامك
بعد العديل والزين ينتم مرادى مرامك
خابت ظنون مسكين وضاعت معاى أحلامك
وأتيتمت (سامرين) قبال تشيلو وسامك
ما أنت نور العين وأنا قلبى يوم ما لامك
مكتوب على فى الحين يمسك سواى أعلامك
لكن هواك دفين يالفى الثريا مقامك
والدمعة ما بتعين لاتبرى فيض أوهامك
ريدنا اللشبه جنين طلاه أريج نسامك
ما بنلقى ليهو وزين ألا القسم وأقسامك
لا تمدى لى أيدين عينك توحى كلامك
قوليلى الله يعين للدنيا أدى زمامك
أنت العفاف والدين معروف عليهوصيامك
والناس يفرقو أتنين ما ديل ليك أرحامك
والراجى لى سنين ودعتو عشان هندامك
لا يندثر فى الطين والناس تجرو ملامك
موضوع: ســـــامرين 
الإثنين يونيو 24, 2013 4:31 pm
