ياقلبي ياتايه
ياقلبي ياتايه وريني وين رايح
لو فارقت عينيك تسمع راح الصايح
*****
اسمع نصيحتي ليك طاوعني لاتبارح
مابتحمل الاشواق صدقني ليك ناصح
باكر يتاورك شوق لي زهرها الفايح
ترجع كئيب محزون ياالكت قبيل صادح
*****
لاتقول فراقنا الظروف وخيل السفر جامح
غير (رايقة) مافي خيار ريدة الجواك رابح
لاتبرا للا سفار بحر الفراق طامح
باكر بتيقي غريق لاباكي لانايح
*****
دون العيون السود تصبح وحيد دايح
لامرسي لاشاطيك يوم ليك بيصالح
عارفك حنين بالحيل وربح الوداع لافح
دمعك تعاني يسيل يحكي العليك سارح
*****
شوف بسمته التشوف برق السماء اللايح
رمش العيون حير صيد الخلا السارح
كيفن توادع كيف ومين ليك بيصابح
غير صبحها المشرق صبحك يتوه نازح
*****
ياريقة ليك الشوق زي نمسة الكادح
جنبك اذاني الشوق بعدك جواي جارح
ارجيني باكر اعود ما انا في الحزن رادح
والنرضي بالمقسوم وايدينا ح تصافح
موضوع: قلبي يــــ تائه 
الإثنين يونيو 24, 2013 6:24 pm
