قســـــمة
الزمن إختار الفراق والنصيب اللينا مقسوم
ذي ماإنت ذرفت الدموع كم وراك عديت النجوم
شوف عروسا لابسي الزفاف الألم جواه مكتوم
والتضاري في قلب النهار في الليالي بتنزل غيوم
ياحبيب الروح والفؤاد الفراق أمسالنا محتوم
والنصيب فرق للعيون ساقنا نمشي دروب الهموم
انت عشقك عشق الخلود المصيري اعيشو ويدوم
مارتضيت بعادك في يوم ساقو قلبي جريح ومغموم
مالقيت دريب السعد الزرعتو ورد قاملي دوم
والرجيتو يكون لي حبيب سهي عيني كيفن تنوم
حبنا الامسالنا ذكرة سيبو للناس عموم
شوقنا في جوانا جمرة تحرق الواطيها محروم
سادي في جواي عبرة والطريق بالدمعة مختوم
قلبي ليك يوماتي يطرأ مانسيت إنك كنت توم
كم عشيق يا صاحبي آنه وكم صبر مع انو مظلوم
وكم قلوب بيناتها عشرة شتت اماله زمن خصوم
بعدك الريد منوا برا من جوايا نويت للصوم
وفي عيوني براك اقرأ سر قلب من حبو مظلوم
الزمن يهديك زهرة وفوق سماها بتبرق غيوم
تملا دنياك المسرة والنسيم من بعد السموم
أما قلبي الفرشو حسرة لا يتاعب لاي يوم يلوم
الفرح لجناح وفرة في دريبو حلف مايحوم
موضوع: قســـــــــــــــــمه 
الإثنين يونيو 24, 2013 6:21 pm
