قـــاطع الدروب
بالله ياقاطع الدروب صادف عيون والفتها
احكيلي قول لي حاله كيف اوصفلي ساعة شوفتها
عايشاه ذي ألم الفراق وسايلة الدموع في خدها
وساعة سألتها عني قول بالله ايه كان ردها
مشتاقة ذي قلبي الجريح ولسع متاوره ودها
وطاراني زي ماطاري انا ساعات مزاحة وجدها
والله ياعابر الدروب لو بايدي ماودععتها
لكنو حال الدنيا بي وبالرجعه كنت وعدتها
لو بايدي قولي كيف افوت اجمل عيون عاهدتها
وحبيبتها من دون الخلوق وكمان رموشه عشقتها
ياحليلي من ساعات صفا كم انست وآنستها
اه الزمن عذبني آه يومي الرحل فارقتها
ولو شفت عيني بالدموع بكيت زرفتها
يارايقة والله العظيم زكراك يوم ماسبتها
اطارك كل ماجاء النسيم وياما القماري ارسلتها
تحكيلك الحال العلي وحالتي العلي ادمنتها
حسره ودموع دمعة والم وعيني كم سهرتها
صدقيني راجع ليك قريب يكفي الحناضل الضوقتها
يكفيني سامرت النجوم وساهر ليالي حسبتها
ارجيني يا شوق العمر خطواتي تالاك سوقتها
وعيني من بعد السهادبالدمعة ليك فرحتها
موضوع: قـــــاطع الدروب 
الإثنين يونيو 24, 2013 5:59 pm
