فراش
شبهوني فراش وحائر كل روض لي فيهو زهره
ماالأزاهر ما ازاهر والزهور نهواها فطره
زهرة ماضي وزهرة حاضر واحده تزبل واحده بزره
روضنا في ايد المصاير مافي زول داربيو بكره
والقسم قبل المشاعر ياما احساس سامي خره
والنزف كان جرحو غاير يمنح الغير المسره
الفراش لو روضو ذابل يلغي فره وراها دره
ونحن ما عازرنو راحل عشان يخلي حياتنا عطره
مركب الأيام تواصل ليها يوم تلقاله حجره
المهم ما يبقي حاتل ماتوقف سيره عتره
الحظوظ مرات تكاجر وناس بتقعد للمضره
وناس بأسم الحب تتاجر وناس تحب دايراله اجره
فرقه الأحباب خناجر في الفؤاد صايداني نحره
واليموت صوت الحناجر مابرجع منو زره
العمر كملتو صابر تحرق الواطيها جمره
والصبر تجبير خواطر بينوبين احزاني شعره
واليمر فوق دربي عابر مابيعود ترجعبو كره
لاني جاحدلامكابر وكل وزول العاجبو صره
زهرة في تاريخه اذاكر وزهره حاضره وزهره زهره
واحده تشرب نيله عاكر واحده صافيه مياه حضره
الكريم عوضني شاكر شكره اتني وراه ا شكره
وللأذل تلقوني ياسر مافي زول من واقعو فر
موضوع: فـــــــــــــــــــراش 
الإثنين يونيو 24, 2013 5:55 pm
