ـ
شكرا لي طلب رقمك
عزرا ليك ولاانطاول قصرت وصل مدار فهمك
انا الشاق الليالي صباح اغني عشان اشيل المك
وانا الفوق النجوم منداح وقت ليل السهاد قسمك
اذا رقمك يجيني كفاح تكون بالغتي في فهمك
ولوكان زاتو عزرك صاح ماجافا الحبر قلمك
*********
هلاويس حسنك اللماح مزنبه بالقرور تهمك
غرورك رمشك الجراح منوا لمستني قوس سهمك
فهمك اني جيت منداح عشان لقايكي ضاع عشمك
عشم ابليس مع ابن رباح حداي ولابتسوق قدمك
**********
تعالي كدي النقوله صراح نخلي الناس تكون حكمك
هل في يوم ضهب سواح وهل يوم القليب عزمك
سماحك زاتو شايفو قباح لساني عفيف ولا شتمك
ضميري يقولي قول الصاح سماح الروح دليل قيمك
***********
بعادك او خيالك لاح واحد عندي اخير عدمك
صلاحك مابكون لي صلاح وتري ولاشبيه نغمك
غناي انا كاتبو للفواح ونجم احلامي اكيد رجمك
علاج الفقره للارواح معاهم اكيد يكون رقمك
************
خساره عشان ولد كداح ظلمتك قلبي احترمك
تراك متعلمي الكتاح اكيد همس النسيم ظلمك
كاويقك تشيلو رياح وقت تلقي القرور هزمك
واريت ياريت تجيب الراح بتندمي ومابيفيد ندمك
موضوع: رقمــــــــــــك 
الإثنين يونيو 24, 2013 5:37 pm
